Sports FAQ
Home / Europe Football

Ti SHQIPERI me ep nder, me ep emrin SHQIPETAR

RonaldoD082010-05-10 11:52:26 +0000 #1
Une jam Shqipe nga Kosova,

E kam zemren sa Rugova,

Jam i lindur ne mergim,

Zemra me rrah o per vendin tim.

E shikoj qiellin me fluturuar,

OJ KOSOVE SA FORT TE DUA

E shikoj qiellin me fluturuar,

OJ KOSOVE O SA FORT TE DUA.

Se duroj dot ma mallin tim,

deri kur ma ne mergim.

E shikoj qiellin me fluturuar,

OJ KOSOVE SA FORT TE DUA

E shikoj qiellin me fluturuar,

OJ KOSOVE O SA FORTE TE DUA.

ILIRET.
Black_Eagle2010-05-10 11:59:52 +0000 #2
Rrjedhin o mengjeset,

rrjedhin si ujevara,

ja keshtu mes njerezve,

jeta jone edhe hapat

Hyj dhe une mes tyre,

shtoj nje fjale, nje kenge,

eshte kjo kenge e jetes,

per ty Shqiperi,

per ty Shqiperi moj nane

Me merr ne krahet e tua,

si merr femijen nena,

qe ballin te ma puthi,

edhe dielli edhe hena.

Une marr nga drita jote,

ti merr nga zemra ime,

dhe dore per dore rendim,

e shtrenjta jeta ime.

Rrjedhin o buzembremjet,

rrjedhin kalterojne,

ne nje kend te globit,

rritim jeten tone

Hyj dhe une mes tyre,

shtoj nje fjale, nje kenge,

eshte kjo kenge per jeten,

per ty Shqiperi,

per ty Shqiperi moj nane
baggy2010-05-10 12:09:08 +0000 #3
Kam nji lot m'pikon si ar

se me shekuj jam shqiptar

e kur malet mi mloj bora

per liri kenges ja mora

e kur malet mi mloj bora

per liri kenges ja mora

Xhamadani vija vija

eshte KOSOVA, eshte SHQIPERIA

rreh si zemer qiftelija

sa e madhe eshte SHQIPTARIA

Eshte nje qiell qe na bashkon

eshte nje troll qe na burrnon

eshte nje gjuhe qe flasim tane

dhe nje toke qe e therrasim nane

eshte nje gjuh qe flasim tane

dhe nje toke qe e therrasim nane

Xhamadani vija vija

eshte KOSOVA ooo eshte SHQIPERIA

rreh si zemer qiftelija

sa e madhe eshte SHQIPTARIA
Black_Eagle2010-05-10 12:02:31 +0000 #4
Ne Kumanove e rriti shtatin

Per shqiptari e dergji gjakun

Tu rrit nderi e tu rrit nami

Paq lavdi Ismer Jasharri

Vepra jote plot kulture

gjaku yte u ba flamur.

Emri jote ne shkronaj ari

Rrofshe e qofshe Ismet Jasharri
Black_Eagle2010-05-10 12:39:06 +0000 #5
une jetoj per shqiperine sepse jam shqiptar

nje rrecitim per shqiperin tesh si kurr me par

jam i papermbajtshem

kur flas per kundershtar e tradhtar

pa meshiren me te vogel do te terhiqen zvarre.

kjo eshte kenga ime

kjo eshte fjala ime

nje fjale patriotike pra kjo eshte ndjenja ime

eshte shpirti im i gdhendur mbi kte krijim

per cdo antishqiptar do kete vetem percmim

diskriminim

ngado qe shkojme ne kemi fame

fituar nga gjaku qe dhame

se djemt shqiptar nuk mund te merren neper kam'

fjala albanian kur shqiptohet mbjell panik

te fut frik

nuk njeh mik prandaj ik

toleranca zero per ata qe na luftojne

qendruam neper vite dhe prap veten tregojme

por tani refreni im po vjen ngadal

nen stilin tim te eger 100% shqiptar.

refren

une ndjehem krenar

se kam gjak shqiptar

ky eshte rudi ky eshte stili

100% shqiptar. ( 2 here)

atehere mundohem te shpjegohem

ne muziken time revoltohem

pasqyroj gjendje shpirterore

muzik lufte paraqitje burrnore

i mbushur me krenari i veshur kuq e zi

ne rritmin tim hip hop duhet te futesh edhe ti

lart me lart do shkoj si shqiptar

me skenderbeun tatuazh ne krah jam i pandar

figur qe na nderon

figur qe me frymzon

me atdhetarizem te infektoj

virus qe te krenon

e un e stafi im jemi te terrbuar nga nje rritem i pa degjuar

nderkohe qe te tjeret jan vonuar

ne skene ne fjalet qe kan rrimuar

njerez qe sme dojn kujtojne se me poshtrojne

por ne te vertet ata me frymzojn

qe une te vazhdoj me tej

te di si tua kthej

ne luft ose ne heshtje

jane menyrat qe une pelqej

se di pse por kurvat gjithmon me ndjekin

me pasion explicit ato me mbushin textin por

tani ato pretendojne pare dhe fame kerkojne

idealet e mija gjithmone ne plan te pare

pastaj te tjerat vine me rradhe

se ne mendime ne shpirt ne gjak une jam

100% shqiptar

refren(2 here)

te rritur ne rruge por gjithmon me seder

ne ligjet e pashkruara te nje epoke tjeter

prandaj dhe temperamenti jone i eger

nuk duron kur te tjeret flasin teper

kur provokojne

te vrasim nuk ta zgjasim

ne nuk tolerojme

e as njeri mbi ne

vetem zoti mbi ne

ne qoft se ti kerkon luft destinacioni nen dhe'

nga Shkodra ne Prishtine

nga Prishtina ne Tiran

ku do qe vllezrit jane mua prane me kane

me textin tim dedikuar atyre qe nuk rrojne

i veshur me epitete per shqiptaret e vertete qe sot jetojne

nje album me shume per te gjithe nga une

rivalet flejn gjum

endrra e tyre e keqe jam une ne sulm

ku jane njerzit e mi

corleone staff and gangstas company

my homies double E

gati te japim cdo gje per qellimet tona qe shkojne deri ne marrezi

per mu kjo ka rendesi

se deri kur te vdes

une 100 % shqiptar do te mbes

me dinjitet ne vendin tim

frymzim per kompozim

nderkohe muzika ime eshte sfide dhe argetim.
ARBERIA2010-05-10 12:52:26 +0000 #6
bravo cuna

RonaldoD082010-05-10 13:49:46 +0000 #7
O malet' e Shqipërisë e ju o lisat' e gjatë!

Fushat e gjëra me lule, q'u kam ndër mënt dit' e natë!

Ju bregore bukuroshe e ju lumenjt' e kulluar!

Çuka, kodra, brinja, gërxhe dhe pylle të gjelbëruar!

Do të këndonj bagëtinë që mbani ju e ushqeni,

O vendëthit e bekuar, ju mëndjen ma dëfreni.

Ti Shqipëri, më ep nderë, më ep emrin shqipëtar,

Zëmrën ti ma gatove plot me dëshirë dhe me zjarr.

Shqipëri, o mëma ime, ndonëse jam i mërguar,

Dashurinë tënde kurrë zemëra s'e ka harruar.

Kur dëgjon zëthin e s'ëmës qysh e le qengji kopenë,

Blegërin dy a tri herë edhe ikën e merr dhenë,

Edhe në i prefshin udhën njëzet a tridhjetë vetë,

E ta trëmbin, ajy s'kthehet, po shkon në mes si shigjetë,

Ashtu dhe zëmëra ime më le këtu tek jam mua,

Vjen me vrap e me dëshirë aty nër viset e tua.

Tek buron ujët e ftohtë edhe fryn veriu në verë,

Tek mbin lulja me gas shumë dhe me bukuri e m'erë,

Ku i fryn bariu xhurasë, tek kullosin bagëtija,

Ku mërzen cjapi me zile, atje i kam ment e mija.

Atje lint diell' i qeshur edhe hëna e gëzuar,

Fat' i bardh' e mirësija në atë vënt janë mbluar;

Nat'atje'shtë tjatrë natë edhe dita tjatër ditë,

Në pyjet' e gjelbëruar, atje rrinë perënditë.

Mendje! merr fushat e malet, jashtë, jashtë nga qyteti,

Nga brengat, nga thashethemet, nga rrëmuja, nga rrëmeti.

Tek këndon thëllëza me gas edhe zogu me dëshirë,

E qyqja duke qeshur, bilbili me ëmbëlsirë,

Tek hapetë trëndafili, atje ma ka ënda të jem,

Bashkë me shpest edhe unë t'ia thërres këngës e t'ia them;

Të shoh kedhërit' e shqerrat, deshtë, cjeptë, dhëntë, dhitë,

Qiellin' e sbukuruar, dhenë me lul'e me dritë.

Vashë bukurosh'e bariut! që vjen me llërë përveshur,

Me zemërë të dëfryer e me buzëzë të qeshur,

Me dy shqerëza ndër duar, të bukura si dhe vetë,

Në sythit tënt e shoh gazë, që s'e kam gjetur ndë jetë.

Dashi sysk e me këmborë, q'e ke manar, po të vjen pas,

Dhe qeni me bes' i larmë të ndjek me dëshir' e me gas.

Dashç Perëndinë, pa më thua, a mos na pe bagëtinë?

- Pash' atje pas më të gdhirë,... ja atje përtej tek vinë!

O! sa bukuri ka tufa! Sa gas bije bagëtija!

Vinë posi mblet' e plotë! I bekoftë Perëndija!

Nëpër shesh' e nër bregore janë përhapurë shqerrat,

E kecërit nëpër rripat dhe në gjethet e në ferrat;

Sa me vrap e me gas bredhin edhe lozin shok me shok,

Aty përhapenë me nxit aty mblidhenë prapë tok,

Edhe prapë tufë-tufë përhapenë duke bredhur,

Duke ikur me vrap shumë, duke lojtur, duke hedhur.

Nxitojn' e s'lodhenë kurrë edhe, kur i merr urija,

Secili futet në tufë, suletë ne mëm' e tija,

Posa gjen mëmën e dashur edhe me vrap i hyn në gji,

Rri më gjunjë dhe zë sisën e qumështin e ëmbël pi;

Pa e ëma me mall shumë, ndo dhi qoftë a ndo dele,

Bir' e vetëm e merr në gji me gas e me përkëdhele.

Sa të mirazë ke dhënë, Zot i math e i vërtetë!

E ç'nom të bekuar vure për çdo gjë q'është në jetë!

Sa më pëlqen blegërima, zër'i ëmbël' i bagëtisë,

Qëngji edhe kec'i bukur, që rri më gjunj' e pi sisë!

Përhapurë bagëtija nëpër sheshe, nëpër brinja,

Nër lajthi e nëpër dushnja, ndër murriza, në dëllinja;

Bijen zilet' e këmborët e fyelli e xhuraja,

Dheu bleron e gjelbërojnë fusha, male, brigje, maja,

Edhe gjithë gjë e gjallë ndjen në zemër një dëshirë,

Një gas t'ëmbël' e të shumë, o! sa bukur e sa mirë!

Pelën e ndjek mëz'i bukur, lopës i vete viçi pas,

Dellëndyshja punëtore bën folenë me të math gas,

Ogiçi ikën përpara, i bije tufës në ballë,

Me zemër të çelur shumë vete si trimi me pallë,

Zoqtë zënë këng' e valle dhe po kërcejn' e këndojnë,

E nëpër dega me lule si ëngjëllit fluturojnë,

Larashi ngrihet përpjetë, thua q'i shpie Perëndisë

Një lëvdatë të bekuar për gëzimt të gjithësisë,

Qielli sa ësht' i kthiellt e sa është sbukuruar!

E dielli sa ndrin bukur mbi lulet të lulëzuar!

Gjithë këto lule ç'janë, që u ngjallë menjëherë?

Ngaha qielli ke xbritur? Ver', o e bukura verë!

Çdo lulezë ka me vehte një emër e një fytyrë,

Një bukuri, një mirësi, një shtat, nj'erë e një ngjyrë,

Si dhe çdo dru e çdo pemë, edhe çdo bar e çdo fletë;

Sa është e bukur faq' e dheut! S'të zë syri gjë të metë.

Gjithë kjo bukuri vallë nga dheu të ketë mbleruar,

A me të matht të ti' Zoti pej parajs'e ka dërguar?

Veç një njeri shoh pa punë dhe të mjer' e të brengosur,

Të këputur, të mjeruar, të grisur e të rreckosur;

Lipën i gjori pa shpresë, se atje e pru përtimi,

S'i ka mbetur gas në zemrë, se s'i la vënt hidhërimi.

Eshtë njeri, si dhe neve, po epini, o të pasur,

E mos e lini të urët dhe të mjer' e buzëplasur,

Se përtimn' e zi, q'e pruri të gjorën më këtë ditë,

Nuk' e dimë vet' e zgjodhi, apo ia dhanë Perënditë.

Edhe për një mizë, kur heq, i vjen keq njeriut të mirë,

Zëmëra s'thuhetë zëmrë me mos pasurë mëshirë.

Ah! edh' atje tej mbi udhë i duket i shkreti varri,

Rrethuar me lul'e me bar, një të gjori udhëtari,

Që ka vdekur i ri shumë e ka rarë lark shtëpisë,

Mërguar nga mëm' e motrë dhe pej gjithë njerëzisë;

Një zok i helmuar mi varrt i rri si mëmëzë dh'e qan,

Ndarë nga të gjithë shokët edhe zi për të mjerë mban.

Tomor! o mal i bekuar, fron i lartë, që rrij Zoti,

Pas fesë vjetrë që kishinë shqipëtarëtë qëmoti,

Dhe ti Mali-Plak i lartë, që me syt' e tu ke parë

Luftëra të mëdha shumë e punë që kanë ngjarë.

O malet' e Shqipërisë, që mbani kryet përpjetë,

Tëmerr e frikë përhapni, përpini qiejt e retë!

Të patundurë përjetë jini, pa, kur oshëtini,

Udhëtarit në zemër frikë të madhe i vini;

Keni shkëmbenj, gërxhe, lisa, lumenj dhe dëborë ndë gji,

Përsiprë lulëz' e gjethe dhe brënda ergjënt e flori,

E ju fusha bukuroshe edhe të majm'e pëllore,

Ju sheshet e lulëzuar, ju bregore gjelbërore,

Q'u fali Zoti të mira, u mba me shumë pekule,

U dha bar e gjeth e veri, zoq e flutura e lule,

Zemërn' e varfërë time aty ndër ju e kam mbluar,

Tek buron nga gjithi juaj uj'i ftoht' e i kulluar;

Jam lark jush i dëshëruar edhe s'e duronj dot mallë,

Po s'e di si dua unë do t'u shoh një herë vallë?

Të paskësha vrapn' e veriut, të kisha krahë pëllumbi,

Nxitimn' e lumit me valë, q'ikën me vërtik si plumbi,

E të vija në gjit tuaj, nj' ujë të ftohtë të pinja,

Edhe nëpër ato hije një copë herë të rrinja,

Syt' e ballit t'i xbavitnja, zëmërënë ta dëfrenja,

Gazë, që paçë njëherë, prap' aty ndër ju ta gjenja.

Opopo! Kshu pse më vini përpara syve pa pushim,

O ditët' e djalërisë, o moj kohëz' e të rit tim?

O flutura krahëshkruar, që fluturon nëpër erë,

As merr dhe zëmrënë time me vehtezë dhe ma shpjerë

Nër malet të Shqipërisë, tek kullosën bagëtija,

Tek i fryn bariu xhurasë, tek më rrinë mënt' e mija,

Ku shkon me zile të madhe ogiçi përmes lajthisë,

Pa zjen e oshëtin mali ngaha zër'i bagëtisë;

Marrënë vrapn' e nxitojnë, derdhen në gjollë për kripë,

Dhëntë ndër shesh'e ndër brigje, dhitë në shkëmb e në rripë.

Bariu plak krabën në dorë edhe urdhëron të rinjtë,

E ata gjithë punojnë, ngriturë më bres përqinjtë;

Ca bëjnë vathën e shtrungën, ca ngrehin tëndën e stanë,

Kush sjell gjeth e karthj' e shkarpa, sicilido ndih më nj'anë;

Kush përvjel, kush qeth sheleknë, kush mjel dhitë, kush mjel dhëntë,

Njëri merr ushqen këlyshnë, tjatëri përgëzon qëntë.

Stopani, bër'i zi sterrë, shikon bulmetn' e bekuar,

Tunt, bën gjalpë, djathë, gjizë edhe punon pa përtuar;

Udhëtar' e gjahëtorë, q'u bije udha ndër male,

U ep mish, qumësht, kos, dhallë, ajkë, djathë, bukëvale...

Kec'i mbeturë pa mëmë dhe i varfër' e i shkretë

Mënt mëmënë, që ka mbetur pa bir e pa gas në jetë.

Dëgjohet nga mez'i pyllit krism' e sëpatës s'druvarit,

E sharrësë që bën lëndë, edhe fyell'i shterparit.

Shterpari s'i qaset stanit, po nër pyje bij'e ngrihet,

Nëpër maja, nër bregore, rri, këndon a gdhënt, a shtrihet;

S'i trembetë syri kurrë, vetëm aty dit' e natë,

Nga ujku e nga kusari s'ka frik', as nga lis'i gjatë,

As nga shkëmbënjt' e nga pylli, as gogolëtë s'e hanë,

Armëtë ka shok e vëlla, mëm' e motërë xhuranë;

Miqt' e ti shqeratë janë, kecërit, dhitë, dhëntë,

Cjeptë, ziletë, këmborët, deshtë e më tepër qëntë,

Që s'flenë, po rrin' e ruajn bagëtinë dhe barinë,

Kur e shohin, tundin bishtin dhe me gas të math i vinë;

S'e hanë njerin' e mirë edhe mikun' e udhëtarë,

Se i njohën; po të liknë, egërsirënë, kusarë.

Vjen nata, e lë në t'errët, del hëna, i përhap dritën,

Vjen mëngjesi, sbardhëllehet, lint' dielli, i bije ditën.

Yjtë, hëna, dielli, shënja, lindin e prapë perëndojnë,

Gjithë ç'lëvrijnë nër qiej, përpara syvet i shkojnë.

Mblidhen ret' e hapësira bënetë e zezë sterrë,

Vetëtimat e gjëmimet nisin e shiu zë të bjerë;

Bariu vë gunën në kokë, z'eshkën me herët të parë,

Ndes shkarpat sakaqëherë, e lisnë fryn, dhe bën zjarrë;

Fishëllen e thërret qentë secilin me emër veçan,

Pa, kur derdhetë Baliku, ujkun' e zë edh'e përlan,

Se bisha, që bije dëmnë, errësir' e mjergull kërkon,

Papo bariu shum' ahere vë re dhe mba vesh e dëgjon,

Dhe sokëllin me zë të madh, tunden malet e shkëmbenjtë,

Gumzhitin pyjet' e veshur e oshëtijnë përrenjtë!

Ësht' e lehtë dhi e stanit, që kullot gjethen e malit,

Dhe bij'e fle majë shkëmbit e pi ujëthit e zallit;

Dhi e shtëpis' ësht' e plokshtë, fle në vath' e nënë strehë

E pi ujët e rrëkesë edhe shtrihetë në plehë;

Esht' e butëz' edh'e qetë dhe e urtë si manare,

Nuk' është si malësorja, andaj i thonë bravare.

Në fshat, posa sbardhëllehet, sheh një plakëzë të gjorë,

Ngrihet, hap derën ngadalë, e del me kusi në dorë,

Rri në derëzët të shtrungës, dhe djali duke dremitur

I nget bagëtin' e delen, i mjel plakëz' e drobitur.

Plaku lë shkopnë mënjanë e bën gardhin a zë shteknë,

Bariu vë tufën përpara, vasha përkëdhel sheleknë,

Nusja fshi e ndreq shtëpinë edhe bën bukën e gjellën,

I shoqi sheh kanë, lopën, viçnë, demnë, kalën, pelën,

Mushkën, që ësht' e harbuar edhe bashkë me gomarë

Rrahënë të hedhin murë, të hanë bimën a barë.

Një grua vete në krua, e tjatëra zë të tuntnjë,

Një sheh pulat, miskat, rosat, dhe tjatëra bën çtë muntnjë.

Na hyjnë shumë në punë kafshëtë dhe bagëtija,

Na i dha në këtë jetë shok' e ndihmës Perëndija.

Të mos ishte gjë e gjallë, njeriu s'rronte dot në jetë,

Do të vdiste nga uria, do t'ish lakuriq e shkretë;

Gjë e gjallë na vesh, na mbath dhe na ushqen e na zbavit,

Kur shtohet e vete mbarë; jetënë tën' e përsërit.

Edhe dheu, që na ep drithë, sido ta kemi punuar,

Nukë pjell mirë si duam, po s'e patmë plehëruar.

O shokëtë e njeriut, Zoti u shtoftë e u bekoftë!

Dhe shpirti im mik përjetë, sindëkur ka qën' u qoftë.

Kafshët, edhe bagëtinë, që u ka kaqë nevojë,

Njeriu duhetë t'i shohë, t'i ketë kujdes, t'i dojë.

Të mos t'i mundojmë kurrë, po si fëmijë t'i kemi,

Eshtë mëkat edhe fjalë të ligë për to të themi.

Dellëndyshe bukuroshe, që thua mijëra fjalë,

Dhe të k'ënda vahn' e lumën, që vjen me vrap e me valë,

A mos vjen nga Shqipëria? Eni vjen prej Çamërie

Me këto mijëra fjalë e me gluhë perëndie?

Apo vjen nga Labëria, pra më duke kaqë trime,

Edhe fjalëtë që thua më gëzojnë zëmrën time,

Q'është thyer, bërë posi një pasqyrë,

Duke këputur nga cmagu, që s'e kanë vartur mirë,

Apo vjen nga fush'e Korçës, nga vënd'i mir' e i gjerë,

Prej zembrësë Shqipërisë, që del gjithë bot' e ndjerë?

A më vjen prej Malësie, prej Skrapari, prej Dobreje,

Nga Vijosa, nga Devolli, prej Vlor' e prej Myzeqeje?

Të mundja të fluturonja e të kishnja krahë si ti,

Me gas të math do t'i vinja Shqipërisë brënda në gji!

Për me marrë drejt Shkumbinë edh' Elbasan' e Tiranën,

E me ardh ke ti, o Shkodrë, të shof Drinin e Bujanën,

Kostur, Përlep, Fëllërinë, Dibrë, Ipek e Jakovën,

Mat' e Ysqyp e Prështinë dhe Mirëdit' e Tetovën;

Krojënë e Skënderbegut, q'i ka pas dhan ner Shqypnisë,

Tue bam me trimni luftë, e m'e munt kren e Tyrqisë.

Durrës, o qytet i bukur, që je kërthiz' e mëmëdheut!

Edhe ti Leshi me emrë, që ke eshtrat e Skënderbeut!

Burrat tuaj aqë trima do ta lenë vall' Ulqinë

Edhe gjithë shqipëtarët ta mbanjë armiku ynë?

Nukë më ngjan e s'e besonj, kam te zoti shumë shpresë,

Shqipëria këtej-tutje kshu po nukë do të mbesë.

Dua të dal majë malit, të shoh gjithë Arbërinë,

Vëllezërit shqipëtarë, që venë në pun' e vinë,

Burrat trima me besë dhe shpirtmir' e punëtorë,

Dhe fushatë gjithë lule e malet me dëborë.

O fushazëtë pëllore, që m'ushqeni Shqipërinë,

Do të këndoj bukurinë tuaj edhe bujqësinë.

Ti perëndi e ligjërisë, që rri në malt të Tomorit,

Unju posht' e më ndih pakë, o motra im'e të gjorit!

Më ke leshrat të florinjta e të ergjëndtë krahrorë,

Ball' e gush' e faq'e llërë dhe këmb' e duar dëborë;

Sikundër do malësorët dhe pyjet e bagëtinë,

Duaj edhe fusharakët dhe arat' e bujqësinë,

Edhe ti, o mëmëz' e dheut, q'i fale dheut aq' uratë,

Sa pjell mijëra të mira e kurrë s'mbetetë thatë,

I dhe lul'e bar e gjethe, bim' e drith' e pem' e drurë,

Mblodhe gjithë bukuritë edhe kanisk ia ke prurë.

Të keqen, o symëshqerë, shikomë një herë në syt!

Si lulet' e si bilbili edhe unë jam djali yt.

Gjithë këto farë lulesh e këtë të bukur erë,

Këtë mblerim, këto gjyrë vallë nga ç'vent'i kesh nxjerrë!

O sa e madhe bukuri! As më thua ku e more!

O bukuroshe, t'u bëfsha, ngaha gjiri yt e nxore?

Apo me dorët të bukur e more nga gjir'i Zotit,

Nga qielli, nga parajsa, nga prehër' e plotë i motit?

Kudo shkel këmbëza jote, gëzohet vendi e mbleron,

Tekdo heth sythit e qeshur, bukuri' atje lulëzon!

Ti zbukuron faqen' e dheut, ti do e ushqen njerinë,

Më të gjallë, dhe pas vdekjes e pret duke hapur gjinë!

Vjen dimëri, t'i than lulet, ti me një frym' i ngjall prapë,

Napënë q'u heth përsiprë, ua heq me ver' e me vapë.

Bujkun e zgjuan me natë edhe vë përpara qetë,

Nisetë pa zbardhëllyer për punëzët të vërtetë;

Mer pluarin e parmëndën, zgjedhën, tevliknë, hostenë,

Kafshën, farën, shoknë, bukën, trajstënë, lakrorë, qenë...

Shërbëtor'i mëmës' së dheut, q'e ka zëmrënë plot shpresë,

Del kur hapet trëndafili dhe bari ë'shtë gjithë vesë;

I falet Zotit t'vërtetë dhe zihet nga pun' e mbarë,

Zëmërzën e ka të bardhë dhe të qëruar e të larë.

Pa lodhur e pa këputur, pa djersë e pa mundime,

Njeriu i gjorë në jetë nukë gjen dot as thërrime,

Si të punosh dit' e natë e të bësh ç'duhenë gjithë,

Ahere kërko nga Zoti të t'apë bukëz' e drithë.

Njeri, puno, mos pusho kurrë dhe lark nga makutërija,

Zëmërnë kije të gjerë, mos ki keq, pa t'ep Perëndija.

Puna ka duk e uratë, Zot'i math e ka bekuar,

Njerinë mi faqet të dheut e dërgoi për të punuar.

Ver' o e bukura verë, që na vjen nga i madhi Zot

Me mirësi, me bukuri, me gas të math, me duar plot,

Sindëkur çel trëndafilë, e i fal bilbilit zënë,

Ashtu na bije nga qielli një gas në zëmërt tënë.

Zot'i e i vërtetë për të ushqyer njerinë,

Për të zbukuruar dhenë, për të shtuar mirësinë,

I dha zjarr e flakë diellit, i fali dhe shinë resë,

Bëri dimërin e verën dhe zemrës son' i dha shpresë.

Për të arriturë rrushnë ç'ka punuar Perëndija,

Qielli, dheu, dielli, shiu, njeriu, tërë gjithësija!

S'është çudi pse na dëfren ver' e bukur zemrën tënë;

Ç'ka punuar Perëndija edhe njeriu, sa e bënë!

Ju shokë, kur pini verën, mos dehi, mos zëmërohi,

Mos u zihni, mos u shani, mos lëvdohi, mos qërtohi,

Se përçmoni Perëndinë, q'i ka falur hardhisë rrush,

Edhe kërkon dashurinë e ndodhet fshetazi ndaj jush;

Po gëzohi, prehi, qeshni, duhi, zbaviti, dëfreni,

Flisni fjalë të pëlqyer, loni, këndoni, kërceni,

Bëjeni zëmrën të gjerë edhe shtoni dashurinë,

Mirësinë, njerëzinë dhe besën e miqësinë,

Se në breng' e në të keqe, në punë e në të pirë,

Mirretë vesh njeriu i lik, njihetë njeriu i mirë.

A e shihni gjithësinë, yjtë, Diellinë, Hënën,

Dhenë, erën, retë, kohën, Kashtën' e Kumtërit, Shënjën,

Si janë përveshur gjithë edhe lëçijn' e punojnë,

Njëri-tjatërit i ndihin, ashtu punën e mbarojnë.

Në mest të këti rrëmeti, të punëtorëve shumë,

Njeriu duhet të lëçinjë, apo të bjerë në gjumë?

Mundohetë punëtori, po në zemërzët të qetë

Sa gas të math ndjen, kur njëra që heth, i pjell dymbëdhjetë!

Kur e sheh kallin' e plotë të kërrusurë nga barra,

Dhe parajsën e vërtetë të çfaqurë nëpër ara,

Kur heth lëmën e mbleth toknë, ndan bukn' e kashtën mënjanë,

U heth kuajve e qevet, që janë lodhur, të hanë,

Kur e përmbush plot shtëpinë me drith' e me gjë të gjallë,

Shtrohet me uri në bukë e ha me djersë në ballë.

Sheh pjergullnë, manë, fiknë, thanënë, arrën, ullinë,

Mollën, dardhën, pjeshkën, shegën, vadhënë, ftuan, qershinë,

Kumbullatë, zerdelinë, ngarkuar me pemë gjithë,

Oborrë plot gjë të gjallë, shtëpinë mbushur me drithë,

Dhe zëmëra i gëzohet, pa i faletë Perëndisë,

Q'e çpërblen punën e djersën e mundimn' e njerëzisë.

Qysh rroit mblet' e uruar dhe ven' e vin e lëçijnë,

Ca havllinë ndërtojnë, ca nëpër lule shëndijnë.

O ç'punë me mënt punojnë, sa bukur e bëjn' e mirë!

N'apin dyllëtë, q'ep dritë, dhe mjaltë thjesht' ëmbëlsirë.

Dhe punëtorët' e mirë m'atë mënyrë punojnë,

Edhe gjithë njerëzija me mundimt t'atyre shkojnë;

Njëri mih, tjatëri lëron, njëri mbjell, tjatëri prashit,

Kush t'harr, kush korr, kush mbledh duaj, kush shin, kush sharton, kush krasit,

Një bën pluar' e sëpatën, një parmendën, një shtëpinë,

Një pret e qep, një merr e ep, një mbath, një shikon mullinë,

Çdo njeri një farë pune bën në mest të shoqërisë,

Kjo ësht' udh' e Perëndisë, ky është nam i gjithësisë.

Edh' ajo miza përdhese, ç'i duhetë për të ngrënë,

Eshtë rrahur e përpjekur e me kohëz' e ka vënë.

Ka një punë të punonjë si çdo gjë q'është në jetë,

Kshu e ka thënë me kohë Zot'i math e i vërtetë.

Bujku mundohet në verë, po në dimër rri e prëhet,

Sheh shtëpizënë më kamje, edhe zëmëra i bëhet,

Gratë të gjitha punojnë n'avlëmënt e në të tjera,

Edhe jashtë fryn e bije, por kur na trokëllin dera:

Eshtë nj'udhëtar i gjorë, që ka mbetur në dëborë,

I kanë ngrirë të mjerit vesh' e goj, e këmb' e dorë;

Ngrihet i zot'i shtëpisë edhe të huajthin e merr,

E vë në kryet të vatrës me njerëzi, me të math nder,

Posa e shohënë që vjen, i ngrihen gjithë fëmija,

Se të huajnë më derë na e dërgon Perëndia,

Pa i bëjnë zjarr e ngrohet edh'e mbajnë me të mirë,

I sjellin shtresë të flerë edhe të ngrën' e të pirë.

Kështu të huajt' e miqtë njeriu q'është i uruar

I pret me krahëror hapur e i përcjell të gëzuar.

Në verë që çelen lulet, qielli ndrin si pasqyrë,

Sbukurohetë faq'e dheut e merr mijëra fytyrë;

Pa ngjallenë më çdo lule, më çdo bar e më çdo fletë

Gjëra të gjalla me mijë, rroitin nga dheu si mbletë.

Shpest' e mizatë këndojnë e kuajtë hingëllijnë,

Lulet' e bukura m'erë si ar e si flori ndrijnë,

Bujku nget pëndën e lëron, mbjell a bën gati ugarë,

Kalorësi i shkon njatë dhe i thotë -- puna mbarë --

Papo merr anën e lumit me zëmërë të gëzuar,

Këndon, fishëllen e vete ngadalë, duke mejtuar;

Vë re lumën e kulluar, që ikën me ligjërime,

E ndër ment të ti i bije ca t'ëmbla shumë mejtime.

Vashazëtë bukuroshe, posi shqerratë manare,

Si kapërollet e malit, si thëllëzatë mitare,

Venë të lajnë në lumë gjithë tok duke kënduar,

Me gas në sy e në buzë e me lulezë nër duar;

Përveshin llërët' e bardha dhe të majm'e të perndijta,

Pulpazëtë bukuroshe e këmbëzët' e kërthijta.

Dallëndyshja që fluturon e ndehetë përmi lumë,

U afrohetë si mike e u thotë fjalë shumë,

Dhe mëshqer' e përkëdhelur vjen në lumë të pij' ujë,

A të prëhetë në hije, a të bënjë gjë rrëmujë.

Bari, bima vatur më bres e bujku shum' i gëzuar,

Si bariu kur merr kërthinë edh'e përkëdhel ndër duar.

Bilbili ia thotë bukur, lumi vete gjithë valë,

Ep erën e Perëndisë trëndafili palë-palë.

Veç një vashëz' e mjerë qan të motrënë, q'e ka lënë,

O! është mbuluar në dhe vashëza fytyrëhënë!

Mëma dhe motëra mbetur në zi e në vaj të shumë,

Dhe shqerra manarez' e saj, e përzieshmez' e për lumë!

Të këput shpirtinë plaka, kur zë dhe nëmëron e qan,

Ah, i ziu njeri në jetë sa heq e sa duron e mban!

Vashën vërtet e mbuluan, po shpirt'i saj në qiej shkoi,

Hapi krahëthit e lehtë, në hapësirat fluturoi;

Bukuri e saj u përzje me bukurizët të prillit,

Me fjalëzët të bilbilit, me erët të trëndafilit,

Gjësendi s'humbetë kurrë e gjë s'vdes me të vërtetë,

Mase ndryshohenë pakë, po janë në këtë jetë;

As shtohet, as pakësohet, as prishetë gjithësija,

Vdesën e ngjallenë prapë si gjith' edhe njerëzija.

Këtu janë gjithë ç'janë e gjithë ç'gjë munt të jetë,

Engjëllitë, Perënditë dhe ajy Zot'i vërtetë!

Se një trup e një shpirt është gjithësia, që s'ka anë,

Të gjallë edhe të vdekur gjithë brënda në të janë.

Perëndija njerin' e parë e mori prej dore vetë,

E zbriti mi faqet e dheut, q'ish me lulez' e fletë,

Më të drejtënë të themi, mbi faqet të dheut e ngriti,

E bëri të zotthin' e dheut edhe kështu e porsiti:

Nga kjo baltë të kam bërë, rri këtu, më paç uratë,

Mos u loth e mos psho kurrë, po përpiqu dit' e natë,

Sheh si punon gjithësija? Ashtu të punosh edhe ti,

Të mos rrish kurrë pa punë e të vësh duartë në gji.

Mos u bëj i lik e i keq, i paudh' e i pabesë,

I rrem, i ndyrë, i dëmshim, i rënduar e pa shpresë,

Mbërohu nga të këqijat, prej çdo farë ligësije,

Prej nakari, prej lakmimi, prej vjedhjeje, prej marrëzije,

Mos vra, mos merr tek s'ke vënë, edhe ki nam dashurinë,

Bes' e fe ki urtësinë, të drejtënë, mirësinë.

Në bëfsh mirë, liksht s'gjen kurrë, po, në bëfsh liksht, mos prit mirë,

Ki dëshirë për të mirë dhe në zemërë mëshirë,

Ji i but', i urt', i vyer e mos u bëj kurrë makut,

I egër e i mërzitur dh'i mahnitur si madut,

Mos ju afro dhelpërisë, po së drejtësë iu nis pas;

Në dëgjofsh fjalët' e mija, do të jesh gjithënjë në gas.

Nga gjithë ç'pat gjithësia, të kam dhënë dhe ty pjesë,

Në u bëfsh si them, i mirë, emr'i math do të të mbesë.

Të kam dhënë mënt të mësosh, të vërtetën me të ta shohç,

Dhe zëmër' e vetëdijë, të mir' e të drejtën ta njohç,

Do të të lë dhe nevojën, udhën të të tregonjë,

Të të ndihnjë më çdo punë, të të mësonj' e të të zgjonjë.

Gjithë të mirat që janë, këtu në dhet i kam mbuluar,

Po gjësendi në shesh s'nxjerr dot pa dirsur e pa munduar;

I gjen të gjitha me kohë, po rrëmo thell' e më thellë,

Ç'do gjë që të duhet, kërkoje, barku i ti do ta pjellë.

Sa gjërërazë të vlera do të gjesh ti këtu brenda,

Edhe përsipërë soje, e sa do të t'i ket ënda!

Me fuqit që të kam dhënë, them që të vinjë një ditë

Të marrç udhën e së mirës e të gjesh të madhe dritë,

Të marrç vesh dalëngadalë sa punëra që kam bërë,

Diell, hënë, yj, dhe, qiej e gjithësinë të tërë!

Po që u bëre i urtë, mua më ke afër teje,

Ndryshe, qofsh i mallëkuar edhe mërguar prej meje!

Të parit tënë perndia këto fjalë vetëm i tha,

I fali gjithë të mirat, i dha uratën dhe e la.

Det i p'an'i mirësisë, q'emrin tënd s'e zë dot ngoje,

Qysh e ngrehe gjithësinë pa lënë farë nevoje!

Fali njeriut urtësinë, mirësinë, njerëzinë,

Butësinë, miqësinë, dashuri, vëllazërinë;

Epu sheshevet lul' e bar dhe pyjevet gjeth e fletë,

Resë shi, aravet bimë e mos lerë gjë të metë,

Fali erë trëndelinës, manushaqes, trëndafilit,

Kalliut bukë, mizës pjesë, zogut ngrënie, zë bilbilit,

E drurëvet epu pemë dhe uratë bagëtisë,

Dërgo dhëmbj' e kujdes për to në zëmërt të njerëzisë;

Epi pjergulls' e vreshtit rrush dhe vozësë fali verë,

Mos e lerë pa të kurrë, kurrë thatë mos e lerë;

Fali diellit flak e zjarr dhe hënës e yjet dritë,

Edhe detit uj' e kripë, gjithësisë jet e ditë.

Yjtë le të vinë rrotull dhe njerëzit të punojnë,

Të dëfrejn' e të gëzohen dhe si vëllezër të shkojnë.

Tregomu dhe shqipëtarët udhën e punës së mbarë,

Bashkomi, bëmi vëllezër edhe thjeshtë shqipëtarë,

Falmi, falmi Shqipërisë ditën e bardh' e lirisë,

Udhën e vëllazërisë, vahn' e gjithë mirësisë.

Nxirr të vërtetën në shesht, paskëtaj të mbretëronjë,

Errësira të përndahet, gënjeshtëra të pushonjë.
RonaldoD082010-05-10 14:40:08 +0000 #8
Vaji i Bylbylit

Po shkrihet bora,

Dimni po shkon;

Bylbyl i vorfën,

Pse po gjimon?

Pushoi murlani

Me duhi t'vet;

Bylbyl i vorfën,

Çou mos rri shkret.

Gjith; fushët e malet

Blerim e mbëloj;

Livadhi e pema

Gjithkah lulzoj.

Ndër pyje e orgaja,

N'ma t'mirin vend,

Me rreze dielli

Po e gëzon gjith'kend.

E tuj gjimue

Shikon rreth e rreth

Nji prrue qi veret

Rrjedh nëpër gjeth.

A çil kafazi,

Bylbyl, flutro;

Ndër pyje e orgaja,

Bylbyl, shpejto.

Kerkush ma hovin

Atje s'ta pret,

Me zeher haejen

Kerkush s'ta qet.

Kafaz ke qiellin,

Epshin pengim,

E gjith ku t'rreshket

Shkon fluturim.

Nëpër lamije

Ke me gjet mel,

Për gjith'prendverën

Njajo buk t'del.

E kur t'zitë e di

ndër prroje pi,

Te njato prroje

Qi ti vetë di.

Tash pa frigë çerdhen

E ban ndoj lis;

Nuk je si'i nieri

Qi nuk ka fis

E kur t'vin zhegu,

Kur dielli shkon,

Ti ke me këndue

Si ke zakon.

Rreth e rreth gjindja

Me t'ndie rri;

Prej asi vendit

Dahen me zi.

A çilë kafazi,

Bylbyl, flutro;

Ndër pyje e ograja,

Bylbyl, shpejto.

Ndër tranfofille,

Ndër zamakë nga;

Ku qeshet kopshti,

Idhnim mos mba.

Po shkrihet bora,

Dimni po shkon;

Biylbyl i vorfën ,

Pse po gjimon?
egzona 2010-09-18 18:09:01 +0000 #9
Ti,shqiperi,me,ep,nder
Ti shqiperi,me,ep,nder me ep emirni shqiptar

zemren ti ma gatove plot me dashuri dhe me zjarr
shqiperi o mema ime ndese jam mergruar,
dashurin tende kurre zemra s'e ka harruar kur degjon zethin e s'e emmes, qysh e le qengjin kopene,
blegeri dy a tri here edhe njezet a tridhjete vete
e ta trembin, ai s'kthehrt,po shkon ne mes si shiqete,
ashtu dhe zemera ime le ktu, tek jam mua, vjen me vrap e me deshir aty,ner viset e tu ???
amina2010-09-20 06:05:49 +0000 #10
gjuha jon sa e mire

sa e embel sa e gjere
sa e leht sa e lire
sa e bukur sa me vler

Reply

Name:
Content:


Other posts in this category